У сюжэце АНТ распавялі, як будуць адбіраць кватэры ў віцебскіх палітэмігрантаў
У перадачы «Будет дополнено» прапагандыст Ігар Тур пераконваў тэлегледачоў, што «беглых» чакае «справядлівае эканамічнае пакаранне». Паводле ягонах словаў, раз яны заклікалі да эканамічных санкцый у дачыненні да Беларусі, то мусяць адказаць за урон, нанесены эканоміцы. І кампенсавацца гэты ўрон мусіць за кошт продажу іхнай маёмасці. У перадачы паказалі жытло віцебскага журналіста Змітра Казакевіча, актывісткі з Варапаева Ганны Федаронак, віцебскай актывісткі Караліны Цярэнцьевай, навукоўца Віктара Якубава з Наваполацка.
Чарговы расійска-беларускі медыяфорум прайшоў у расійскім Пскове
У апошнія дні II расійска-беларускі форум студэнцкіх СМІ "Індустрыя медыя" аб'яднаў 150 прадстаўнікоў 50 ВНУ Расіі, 19 універсітэтаў Беларусі, а таксама Камрацкага дзяржаўнага ўніверсітэта АТА Гагаузія. Фінансаванне форума адбылося з бюджэту Саюзнай дзяржавы.
Газета «Витебские вести» раскрытыкавала пераможцу «Еўрабачання» за яго небінарную ідэнтычнасць
Журналістка Алена Сыс, аўтарка рубрыкі «Іншымі словамі», зневажальна выказалася і пра сам музычны конкурс, і пра асобных выканаўцаў, чый сцэнічны вобраз ёй не спадабаўся. «Дасталося» ад прадстаўніцы дзяржаўнага выдання і журы «Еўрабачання», і гледачам з замежных краін, і ўвогуле Еўропе як такой, бо «Проголосовала Европа в ночь ни за сына, ни за дочь». Артыкул з гэтай назвай прасякнуты непрыкрытай ксенафобияй у дачыненни да ўсіх, хто не адпавядае кансерватыўным падыходам як да музычнай культуры, так і да полавай ідэнтычнасці.
«Витебские вести» дапусцілі распаўсюд непраўдзівай інфармацыі?
Жыхары Віцебскага рэгіёну на платформе "Зручны горад" стварылі петыцыю №5820 для збору подпісаў для звароту ў Міністэрства інфармацыі Рэспублікі Беларусь наконт таго, што мясцовае дзяржСМІ «Витебские вести» (далей – “ВВ”) распаўсюдзілі недакладную інфармацыю.
Няма праблем? Або няма даверу да дзяржаўнай газеты?
Ад пачатку 2024г. у гарадской газеце «Витьбичи» не працуе рубрыка «Есть проблемы? Обращайтесь!» Апошні артыкул у гэтай рубрыцы, прызначанай для таго, каб карэспандэнты дзяржаўнага выдання дапамагалі ў вырашэнні жыццёвых пытанняў мясцовым жыхарам, датаваны снежнем 2023г. Зрэшты, і ранейшае напаўненне гэтай рубрыкі рэдакцыйнымі матэрыяламі – штучнае і ніяк не сведчыць пра тое, што віцябляне насамрэч давяраюць газеце.
Новы трэнд «пакаяльных» відэа. Віцебскага блогера Віталя Усціновіча змусілі запісаць «пакаянне» ужо пасля адбытага арышту
Блогер, Youtube- канал якога мае амаль 47 тысяч падпісчыкаў, адбыў 25 сутак арышту, прысуджанага яму паводле ч.2 арт.19.11 КаАП. Пакуль Усціновіч быў за кратамі, з ягонага канала знікла частка відэаролікаў – у прыватнасці, тыя, дзе ён распавядаў пра сваё затрыманне і дзяліўся меркаваннямі пра будучы суд, сказаўшы: «Ну, што зробіш! У такія часы нялёгкія жывём!» Доступ да Youtube- канала Усціновіча атрымалі супрацоўнікі міліцыі, яны ж змясцілі там відэаролік, зроблены для Тэлеграм-канала «Северная столица», блізкага да сілавікоў, а ў якасці аватаркі паставілі дзяржаўны герб Беларусі. У «пакаяльным» відэа, запісаным пасля арышту і паказаным на тым самым Тэлеграм-канале, Усціновіч хваліць супрацоўнікаў міліцыі і ІЧУ за добрае стаўленне і якаснае «перавыхаванне».
Пасля 1839 г. «Беларусь ператварылася ў праваслаўную краіну», сцвярджае дзяржаўная газета
Гэткае «навуковае» сцвярджэнне абласная газета «Витебские вести» надрукавала ў абвестцы пра святкаванне 185-х угодкаў Полацкага царкоўнага сабора 1839 г. Сабор спыніў дзеянне Брэсцкай царкоўнай уніі 1595–1596 гг. на тэрыторыі Расійскай імперыі ( тут паўстае першае пытанне да «навукоўцаў» з дзяржСМІ: прычым тут Беларусь як асобная краіна). Другое пытанне яшчэ больш прынцыповае: ці ёсць, што святкаваць, маючы на ўвазе гвалтоўнае «вяртанне ўніятаў у праваслаўную веру».
«Экстрэмісцкімі» абвясцілі два YouTube-каналы пра Віцебск
У спіс экстрэмісцкіх матэрыялаў дадалі YouTube-каналы «Пра Віцебск / Новости Витебска» і «Маяк Беларускі \ Навіны рэгіёнаў», з якіх гледачы маглі даведацца рэгіянальныя навіны без ідэалагічнай цэнзуры. Рашэнне пра тое, што інфармацыйная прадукцыя гэтых рэсурсаў цяпер будзе лічыцца экстрэмісцкай, прыняў 15 студзеня суд Кастрычніцкага раёна Віцебска.
Газета «Голас Расоншчыны» распачала адмысловы праект, прысвечаны выбарам
Праект назвалі традыцыйна - «Ваш голос имеет значение», і з назвы відавочна: жыхароў раёна будуць агітаваць прыйсці на выбарчыя ўчасткі. Бо галоўнае – каб выбары адбыліся, а гэта залежыць ад колькасці прагаласаваўшых. А падлічыць колькасць галасоў, аддадзеных за канкрэтных кандыдатаў, гэта ўжо «справа тэхнікі», як паказвае досвед мінулах электаральных кампаній.
Ідэалагічны праект віцебскага тэлебачання праваліўся. У «Принцип правды» не паверылі
Сёлета Віцебская ТРК заснавала ўласную прапагандысцкую праграму «Принцип правды». Першы выпуск быў паказаны ў эфіры 6 верасня. Тэлегледачы ўбачылі мікс пра наступствы 2020 года, палітыку Байдэна і спонсарскую падтрымку Украіны, планы Захаду і магчымасці перамоваў паміж Расіяй і Украінай. Стваральнікі відавочна разлічвалі на поспех, бо ў мясцовай прэсе разгарнулі рэкламную кампанію новага праекта. Прагляды першага выпуска на ютуб-канале дасягнулі лічбы 547, колькасць праглядаў наступнага выпуска склала 662 і... без рэкламных захадаў і загадаў паглядзець абавязкова ўсё пакацілася ўніз. Прагляды трэцяга выпуска прадэманстравалі правал - рэзка ўпалі да 159.