Першы крымінальны працэс з ліку распачатых у дачыненні да ўдзельнікаў вулічных шэсцяў пачаўся 24 лістапада ў судзе Кастрычніцкага раёну Віцебску. Віцябляніна Андрэя Цімафеенку вінавацяць у гвалце ў дачыненні да супрацоўніка МУС падчас «Маршу еднасці» 6 верасня. 

13 лістапада жыхары Віцебску прынеслі кветкі і знічкі да мемарыялу воінам-інтэрнацыяналістам, каб ушанаваць памяць забітага Рамана Бандарэнкі, які ўчора сышоў з жыцця ў менскай больніцы. Каля каталіцкага катэдральнага касцёлу людзі зладзілі таксама ланцуг памяці і хвіліну маўчання.

Віцебскага актывіста Андрэя Кулакова, больш вядомага як уладальніка «Жывемабіля», суд Кастрычніцкага раёну Віцебску аштрафаваў 3 лістапада на 15 базавых велічынь за дробнае хуліганства (арт. 17.1 КаАП). Справу Кулакова разглядаў суддзя Мікалай Атрахімовіч.

«У Віцебску затрыманы адзін з актыўных удзельнікаў нападу на супрацоўнікаў міліцыі», – паведаміў 19 верасня на афіцыйным Тэлеграм-канале прэс-сакратар МУС Беларусі. Удакладняецца, што затрыманы «з’яўляецца сябрам моладзевага апазіцыйнага руху і сур’ёзна захапляецца фашысцкай сімволікай». Спраўдзілі, ці так гэта і за што канкрэтна затрымалі віцябляніна.

16 верасьня прадстаўнікі грамадзка-палітычнай рады Віцебску Ірына Яскевіч і Хрыстафор Жаляпаў сустрэліся з начальнікам упраўленьня ўнутраных справаў Віцебскага аблвыканкаму Міхаілам Грыбам. Размова тычылася перавышэньня службовых паўнамоцтваў з боку віцебскіх міліцыянтаў пры затрыманьнях грамадзянаў падчас мірных акцый. На сустрэчы прысутнічалі яшчэ чатыры асобы ў масках, якія не назваліся.

У нядзелю 6 верасня падчас «Маршу еднасці» ў Віцебску адбылося некалькі жорсткіх сутычак паміж пратэстоўцамі і супрацоўнікамі МУС. Да бойкі дайшло на вуліцы Праўды, калі міліцыянты, якія суправаджалі маніфестантаў на аўтобусах, выхапілі з калоны некалькіх удзельнікаў шэсця. Віцябляне пачалі бараніць і адбіваць тых, каго затрымлівалі.

Увечары 25 жніўня віцябляне зладзілі мірнае шэсьце, у якім узялі ўдзел каля 40 чалавек. На праспэкце Фрунзэ невялікую калёну дагналі два мікрааўтобусы з супрацоўнікамі міліцыі і людзьмі ў чорным адзеньні (меркавана амапаўцамі). З мацюкамі і крыкамі застрашэньня сілавікі разагналі мірных пратэстоўцаў. Інфармацыі аб затрыманьнях няма.

У Віцебску 23 жніўня грамадзяне меліся распачаць на плошчы Перамогі чарговую мірную акцыю супраць маштабных фальсыфікацый у часе выбараў і гвалтоўных дзеяньняў супраць мірнага насельніцтва ў пасьлявыбарчы пэрыяд. Сабрацца па плошчы аднак не атрымалася, бо ўлады сьцягнулі да «трох штыхоў» ня менш за два дзясяткі аўтамабіляў і аўтобусаў зь сілавікамі. Пратэстоўцы калёнай адышлі да ГЦ «Марка-сіці».

Праваабаронца Павал Левінаў зьвярнуўся да сябраў Віцебскай абласной камісіі па выбарах прэзыдэнта з просьбай запрасіць на паседжаньне камісіі начальніка УУС аблвыканкаму Міхаіла Грыба, каб патлумачыў, на якіх падставах 31 траўня міліцыянты спрабавалі перашкодзіць выбарцам ставіць подпісы ў падтрымку прэтэндэнтаў у кандыдаты на прэзыдэнцтва.

Падпалкоўнік паліцыі РФ у адстаўцы Андрэй Новікаў, які жыве зь сям’ёй у Пастаўскім раёне, накіраваў 22 траўня ў Віцебскі абласны суд скаргу на рашэньне Пастаўскага райсуду, што аштрафаваў яго на 810 рублёў за інтэрвію блогеру Ціханоўскаму. Суд палічыў гэта ўдзелам у несанкцыянаваным пікетаваньні (арт. 23.34 КаАП).